A Travellerspoint blog

Epilog

De Heiweg maximal gnüsse

Es isch jo so, dasi Neuseeland afangs Monet verlo han, aber ich han in Melbourne en wunderbare 3-wüchige Zwüschestop igleit.
Mir gfallts halt eifach döte. Bin zwar bygoscht kein Stadtmensch, aber in Melbourne nimmt's mir doch irgendwie jedesmol de Ärmel ine!

20240411_173605.jpg

Ich bin im Stadzentrum acho und han automatisch gad s'richtige Tram gnoh wo mi bis vor dHosteltüre gfahre het. Hejo, bin jo doch au scho zum 7te Mol do! Usserdem isch im Zentrum sTramfahre gratis und i find mi i dene Gasse sofort wieder z'recht.

20240405_165015.jpg

Ich logiere selpferständli wieder ide Mansion. Döt bini jo vor 7, bzw vor 6 Johr scho xi - bin mir vorcho wiene Veteranin wo noch Johre wieder i das Hostel zrugg'gchehrt isch. Episch! Es het sich nöd viel veränderet. S'Beste sind sit jeher amigs dLüüt xi und prompt sind au dasmol luuter wunderbari Seele do iquartiert.

20240405_171555.jpg
20240405_170002.jpg

Me macht also umgehend paar neui Bekannt- & Fründschafte und cha mittem Mansionklan jederziit um dHüüser zieh, es Filmli luege oder susch wie go Ross stehle.

20240410_172909.jpg

I han allerdings für keinerlei Diebstähl Ziit: ich han pumpevolls Programm zum mich mit sämtliche Lüüt (wieder) z'treffe wo mittlerwiile oder immerno in Melbourne wohned.

Zum Biispiil de Nick, woni scho sitem 2017 no vo Taupo her kenn. Er isch sither uf Melbourne züglet und het sini vielviel-besser-Hälfti, dPaola ghyrote.

20240410_202500.jpg

Jä und denn isch noch paar Täg öpper vo Neuseeland igreist zum mit mir no bitz Abschied z'fiire: dSam isch für e Wuche überecho!

be6294f0-030b-11ef-a199-3ffe3cbacf6f.jpg

Zäme mit de Becky (vo Papamoa) simmer z3te id Fitzroy Townhall go es klassisches Stringquartett go lose wo das wunderschöne Gebäude bi Cherzeliecht mit usschliesslich Adelelieder underhalte het. Isch aso tatsächli super xi!

20240406_212706.jpg

Über di nöchste Täg hend dSam und ich sämtlichi Örtli abgchlapperet wo üs wunder gnoh hend.

I di alt State Library simmer - die xeht no fasch gnau gliich us.

20240408_164502.jpg

I di berüehmt Lune Croissanterie simmer. Die siged schiins für di weltbeste Gipfeli uszeichnet worde - me stoht wohl darum au bis um de Huusegge ume a für Kafi & Gipfeli oä Gebäck. Es isches aber definitiv wert xi!

20240409_114440.jpg
20240409_114043.jpg

Im (gigantische) Exhibition Centre isch derziit die episch Leonardo da Vinci Usstellig. Es fangt museeumsmässig a und z'letscht findt me sich i dem kolossale Ruum wo zu feinster Akustik jede cm Liinwand (inkl. Bode) mit ere phänomenale Liechtshow beflimmeret wird.
Fantastisch isch das xi!

20240409_141858.jpg
20240409_152129.jpg
20240409_162156.jpg

Mir gfallt, wie in Melbourne sAlte uf sNeue trifft. Aso zB die Arbeiterworkshops us Bachstei z'mitzt i dene höche Türm vom CBD.

20240409_195400.jpg

Es het am einte Tag gregnet, also simmer is IndoorMiniGolf. Ganz usgfallni Bahne hend die gha.

20240411_124250.jpg
20240411_124942.jpg

Ide Bourke Street wird immer neume chli Strossemusig gmacht - teils würklich unverschämt gueti Musiker!

20240411_152028.jpg

Denn müend mir denk möglist vieli Rooftop Bars go bsueche!

20240411_192349.jpg
20240411_164648.jpg

Zum einte zMittag gern au mittem Michael zäme. Er isch au no eine vode ursprüngliche MansionCrew, mir sind ide letschte 7 Johr meh oder weniger in Kontakt bliebe.

IMG-20240413-WA0001.jpg

Jä und wil's eso schön isch, striehled mir de ganz Tag z3te vo Lokal zu Lokal, bises am Obig Ziit isch zum mittem Ash eis go zieh - machemer demfall sponti au gad alli zäme.

20240412_193820.jpg

De Ash isch en waschechte Melbournian (mit philipinische Wurzle), ihn kenni no vo Ha Long Bay her (Vietnam) und er isch bis ez no immer gern mit in Usgang cho wenn ich gad zMelbourne xi bin.

IMG-20240412-WA0003.jpg
20240412_135545.jpg

Super Sach!

Mir hend usserdem im MoVida verbiiglueget: e absoluti Kultbar im obere Priissegment, wo de Cohen schaffet - en ehemolige Mitarbeiter vode Sam. Somit hend mir natürlich e herrlichi, persönlichi Berotig kriegt und bi wiitem nöd so viel zahlt wie anderi...

IMG-20240408-WA0008.jpg

Vo wege Bars wo uf minere Bucketliste stönd: id StoryvilleBar hemmer aso auno müesse. D'Innedeko isch chli im Alice im Wunderland Stil und dCocktails chömed gern imne Gstältli hängend, inere Wunderlampe oder imne Bluemetopf serviert.

20240411_203610.jpg
20240411_201711.jpg
20240411_202602.jpg

Mir endecked versteckti Bars wo hinder Büechergstell, im Hinderzimmer oder uf de andere Siite vomne Chleiderschrank liged.

20240412_213256.jpg

Denn stoht de ersti RoadTrip a!
D'Sam het es Auto buecht und ich dUnderkunft - mir gönd is Yarra Valley use!
Öppe 1h vom Stadtzentrum weg findt me die riese Wyregion mit allerlei feine Kreatione, feinem Esse und guete Tröpfli.
Mues das glaub ez eifach wortlos veraschauliche:

20240414_134012.jpg
20240414_121125.jpg
IMG-20240415-WA0043.jpg
IMG-20240415-WA0035.jpg
IMG-20240415-WA0050.jpg
20240413_165033.jpg
20240415_140921.jpg
IMG-20240415-WA0038.jpg
20240413_120532.jpg

Denn isches doch no um sAbschiedneh gange; dSam nimmt am nöchste Tag de Flugi zrugg uf NZ und ich nim de Zug uf Paynesville.

20240416_072201.jpg

Döt bini vo Akke und Pete abgholt worde. Sie sind allweg di liebschte Lüüt woni im 2017 (in Westaustralie) troffe han.

20240418_125338.jpg

Sie wohned nach wie vor am Kanal, samt all dene liebe Nochbere - di meiste sind uf en z4i verbiicho zum chli mit mir cho pläuderle. Sie alli kenned die Gschicht vo Sue und Greg, wo in Grönland ufemne Holland America Line Schiff e Chrüzfahrt gmacht hend und döte am Front Desk e gwüssi Schwiizerin troffe hend. Scho verruckt, wie chli dWelt doch mengmol isch!

20240417_172633.jpg

Uf säbere Wiese döt wo de Kanal en Boge macht, sind am Obig 3 grossi Känguru cho grase, am nöchste Tag hemmer en Koala inere Astgable obe xeh und schiins chömed tatsächli mengmol die Delfine im Kanal verbii, wo ide Nöchi wohned.

20240417_135826.jpg

Truurigerwys hani vernoh, dass di wunderbar Liz vo vis à vis vor chli über emne Johr verstorbe isch! Skleroderma.
Sie het mich vor 6 Johr vo Paynesville zrugg uf Melbourne gfahre gha und sie isch würkli e beidruckendi Person xi.
(Das Fotti do het dAkke vor 6 Johr gmacht, dLiz isch do druf zwüschet em Pete und mir)

IMG-20240416-WA0005.jpg

Nöd dases eso planet xi wär, aber de Mal (Malcolm) het abotte, mich dasmol id Stadt mit'zneh, quasi a Stell vo sinere Frau.
So lieb. Hani natürlich gern agnoh.

IMG-20240418-WA0004.jpg

Zrugg in Melbourne bini mittem Michael ane Comedyshow - hejo sMelbourne Comedy Festival isch gad los xi und säb isch immerhin eis vode grösste weltwiit.

20240419_184356.jpg

Mit de Hostellüüt chame au immer wunderbar eis go zieh. Zum Biispiil i die munzig, oberherzig Little Lons Distillery i dem allerliebste, chliine Bachsteihüüsli zmizt ide City! Het chum gnueg Platz dine für dBar elei.

20240419_220155.jpg
20240419_215949.jpg

Denn hani an Fitzroy Market wöle und döt de hochschwangere Becky no müesse es Mueterschaftsgschenkli überreiche wo mir z3te (Sam, Carmen & ich) zämegleit hend. Sie und ihren Lewis hend emel Freud gha ade Stofftierli und Guetschii für es postnatals Verwöhnprogramm.

20240420_120957.jpg

Denn hani mittem Devon abgmacht gha. De Gueti isch jo dozmol zu minere Diplomfiir uf Tauranga greist und ide Zwüscheziit ischer vo Wellington uf Melbourne züglet.

20240421_141236.jpg

Ich han a das Foodfestival wöle wo im Royal Exhibition Building stattgfunde het und de Devon isch nosogern cho chli vegani Ständ aluege.
Het üs emel wunderbar gfalle - und wer hetti denkt, dass in Öl bachne Röslichöhl mit Erdnusssauce so fein cha sii!

20240421_130342.jpg
20240421_141619.jpg

Jede Obig chunnt amel i dene herzige Gässli langsam aber sicher dUsgangsstimmig uf - xeht denn amel öppe eso us.

20240421_174712.jpg

Am Mäntig hemmer spektakulärs Wetter gha! Also simmer mit de ganze HostelFam, emne Frisbee, emne Volleyball und tonnewiis Verpflegig zumne Picknick in Botanische Garte bim Seeli zue. 15 vo üs sind cho.
Glaub wiitgehend selbsterklärend...

20240422_155117.jpg
20240422_153338.jpg
20240422_175340.jpg

Im Aschluss denn ade Flinders Street ines Chellergwölb abe go Jazz lose:

20240422_212918.jpg

Denn hets a mine letschte 2 Täg schono di eint oder ander Reunion und Fiirobigbierli geh. Het sich zum Biispiil usegstellt, dass sich de Devon und de Nick usgezeichnet verstönd. Bini aso froh han ich die zwei enand no schnell vorgstellt.

b111ebc0-030b-11ef-be01-91f25f03a657.jpeg

Hejo und denn hetme doch all dene Legendene im Hostel müesse tschüss sege - bide einte hani sogar no dra denkt, es Fötteli z'schüsse.

20240424_174939.jpg
20240424_190353.jpg
20240424_190246.jpg
20240424_190707.jpg
20240424_183613.jpg
20240424_190339.jpg
20240424_113842.jpg

Aber ebe - ich bin denn umgehend uf das Singapur gfloge und do sitzi jetzt. En elend strenge Tag hinder mir woni dä Stadtstaat bin go erkunde und mich mit dem tropische Klima, dere Hitz und dere elende Füechtigkeit abgmüeht han.

20240425_161936.jpg

Jänu, gnosse hani's gliich. Sone faszinierendi, fortschrittlichi, suuberi Stadt!
I gang ez gmüetli im Transferhotel äne go düschele und schnappe denn endgültig de Flug uf Züri.

Das ischen ez aso, de allerallerletscht Blogitrag (Nr. 214) vo dem Obetüür!
Freu mi ez doch eifach uf sHeicho!

Home, sweet home!

Posted by DriftersTrace 15:58 Comments (0)

Happy End

Sooo viel Idrück, esone gueti Ziit - thanks heaps, New Zealand!!!

Tatsächli isches mittlerwiile eso wiit!
Verruckt!

Ich han di letschte 2 Wuche demit verbrocht, eso viel Lüüt wie mögli nomol z'treffe, mich gebührend z'verabschiede und unbedingt chli föttele (sofern ich's nöd völlig vergesse han).

Es git hüt also zum Abschluss en Huufe Bildli und ich probier, so churz wie mögli z'kommentiere, au wenns doch so viel zu jedem Bildli z'verzelle gäb.

A Malka
20240323_185836.jpg
20240323_185825.jpg
Mit Rob und Nadine bini is neue Malka Resti ide Historic Village. De Rob isch en Fleischtiger und mir hend erscht vor Ort gmerkt, dases nüt als vegani Sächeli uf de Charte het. Und doch: mir hend üs alli 3 köstlich amüsiert, gnüsslich schnabuliert, überesse und de Rob redt hüt no vo dem feine zNacht. Glück gha.

B Pap Hills
20240324_133417.jpg
20240324_133117.jpg
Mit de Ana bini es letschts Mol uf dPapamoa Hills ufegchraxlet. Immer sone herrlichi Ussicht uf dKüste abe.
Bide Ana und em Luiz dihei bim Omanu Beach hets denn paar Tag spöter en bahnbrechende traditionelle brasilianische zNacht geh.

C Games Night
20240324_215223.jpg
Zwar isch en Teil vo üsne Gamer Ladies gad Feriebedingt abwesend, aber di restliche 3 hani erfolgriich zämetrummlet für en letschte Spiiliobig.
Das sind dEsther, dRachel und dNikita.

D Jess
20240325_185416.jpg
D'Jess isch mich während minere zweitletschte Schicht ide Bar cho bsueche. Mit ihre chame aso scho au Ross stehle!
Mir sind denn schono zäme chli go laufe mittem lokale Pub als ultimativi Destination (bevor ich denn mit de Barb es letschts Mol id Hot Pools gange bin).

E Mexa
20240325_205208.jpg
20240325_210132.jpg
De Marco (de Sam ihren ExMitarbeiter vom chique Clarence äne) schmeisst mit sine mexikanische Fründe regelmässig e wahnsinns Food Show i verschiedene Restaurants, wo amne Mäntig zue hend. So hend sie tatsächli sSolera uftue und döt ine e spektakulärs Dinner abzoge! (tüeg ihne leid, dass sie kei Crevette meh heged, hend's xeit - ob si mir zum gliiche Priis au dörfed Hummer bringe, obwohl dä nonig uf de Charte sig)
Do hemmer: Sam, Jessye, Ich, Cara und Regina.

F Sailability
De letschti Segeltag isch agstande und ich han am Schluss denn doch no paar Fötteli chönne mache:
20240326_133204.jpg
De Dr. Jim - sines Zeiche en waschechte Schott und begnadete Segler.
20240326_150100.jpg
Di wunderbar Jane, wo alli Teilnehmer empfangt und mit meh als nur Schwimmweste usstattet (und ihre Maa, de Ken trinkt vo Herze gern Margaritas im Barrel Room, aber schiins nume wenn ich ume bin).
20240326_150146.jpg
De Graham, wo es richtig guets Händli für geistig igschränkti Segler het - und derziit jede Friitig ide Bar isch.
20240326_153546.jpg
D'Laura und dJudy wo a jedem Segeltag sCatering mached und de ganze Crew verruckt guet lueged.
20240326_153451.jpg
De Geoff, wo zu usnahmslos jedere Situation en (un-)passende Spruch uf Lager het - mir aber au verruckt viel über sSegle biibrocht het.
20240326_151558_resized.jpg
Di legendär Jo, uf ihrem Segelboot (Diversion) simmer letscht Johr z4te für 4 Tag uf See xi als Teil vode Regatte zude Mercury Islands.
20240326_151813.jpg
De unerschrockeni John Bolton, scho wiit über 80zgi, obwohl me's ihm würkli nöd axeht.
20240326_150544.jpg
De glegentlich sehr erschrockeni Angus, wo aber jederziit für en ChinWag z'ha isch - het au immer e Frog, ob me ez Ziit hegi oder nöd.
20240326_151719.jpg
De Chris, wo a jedem (würklich JEDEM) Segeltag froget, wie's mim Mami göch. Es cha eim jo nöd guet go, wenn eim sis Mami nöd zwäg isch :)
20240326_151903.jpg
De Dennis, wo i jedere Hinsicht zum Inventar ghört und au guet lueget, dass allne glueget isch.
20240326_152255.jpg
Als Crew sind die Herre und dDame (dKerehi) chuum z'stoppe und schaffed fescht mit, dass alli Teilnehmer, wo chömed cho segle, en super Tag hend.
20240326_155630.jpg
Am John Hubner tschüss sege isch putzhart xi. De John het mir i dene Johr so viel über sMotorbootfahre biibrocht und schiins hetter hinder mim Rugge glueget, dass ich e Zertifikätli überchum und mini "Usbildig bi ihm" festghalte wird.
20240326_160438.jpg
D'Maxwells werded mir au fehle. De Maunsell und dKerehi als Vater/Tochtergspann sind öppis vom goldiste woni weiss. Mit ere unantastbare Glasseheit und ere packte Ladig a Erfahrig, Maorikultur und Nöchsteliebi isch de Maunsell de ultimativi Motivator und dKerehi de best Purser empfangt und versorgt üsi Teilnehmer) womer hend!
20240326_160303.jpg
Di letschte wo amel abschlüüssed sind hüffig dMitglieder vom Vorstand plus, wer susch no sin Kafi ustrinkt...
De John Knox, de Stu Keat (wo mich zu sinere Familie an Lake Karapiro mitgnoh gha het zum lerne Wasserskifahre) und de Präsident, de Alistair.
Was für wunderbari Lüüt, alli zäme!

G Good Neighbour
20240328_101900.jpg
Letschti Schicht mittem Food Rescue Team am Dunnstigmorge (am Tag nochdem mir alli zäme is Pub sind, go üsi Abschiedssorge ertränke).
Lucy (FR Manager), Noeline (gueti Seel in Hairini), Graham (het mir MatarikiUntericht geh amne sterneklare Morge am 5fi), Karen (es DarkHorse, stilli Wasser gründed tüüf), June (bi ihre chlopfed öppedie Politiker ade Türe, bruched denn ihres WC), Barb (eini vo mine allerliebste Mensche in Tauranga, ChefResources), Mac und Rosemary (dene hani sHuus ghüetet in Ohauiti, au die zwei hani verruckt gern), Colin (de Fleur ihren Papi, ganz en liebe Truckie, allerdings vilich besser nöd hinderem Stüür), Ingrid (potz, mit dere chame lache!) und dSammy (am Michael sini Frau, die zwei hend e Tochter, dQuincy wo gliich alt isch wie de Oakley, sie het üs alli zu jedem Moment im Griff.
20240328_154747.jpg
D'Ingrid (Logistics) und dRachel (Social Worker)
20240328_154717.jpg
De umwerfendi Michael (Care Team) und de legendäri Cam (Gründigsmitglied)
20240328_154841.jpg
Und di neu Gschäftsfüehrerin, dRenée, dAngela (Marketing & Social Media), und dSammy (Reception)

Am Nomittag hani e spezielli Handvoll Lüüt is Good Neighbour Depot iglade:
20240328_162355.jpg
Üses Fruit Picking Team!
Do hemmer de schottisch Dave inkl. kanadischem Dialekt, üse unagfochteni Leader de Bill, di unermüedlich Glenys (het nöd gern höchi Leitere), de Mike als second in command (defür di unbestritteni Nr.1 im umewitzle) und de Gordon (de einzig vo üs, wo uf e johrzehntelangi Erfahrig als ObstgarteBuur cha zruggluege, ebefalls de einzig im Team wo je ab de Leitere gheit isch).

I Skinner
20240329_102508.jpg
De Skinner het amne schöne Tag Rippli uf de Grill tue und die Rippli mues er mit feine Sauceli injiziere. Er nimmt also di gross Fleischsprütze us sim BarbecueKoffer und jagt am ganze Huushalt chli Angst i.

J Market
20240330_112550.jpg
De letscht Tag am Tauranga Farmers Market. Ich han döt es duzend vertrauti Lüüt atroffe (wie zB de Anthony vode Pocket Bakery) und han mich vo dene verabschiedet, de letscht Kafi bide Vicky und em Les postet und sie beidi fescht müesse drucke. Ha lang mittem Ryan und de Grace gschwätzt (dSuzy het hüt kei Popcorn verchauft). De Andy isch au vo sim Bäckerstand überecho für en letschte Knuddl und ich han paar Stammgäst vom Barrel Room xeh uf sGländ stürme und mit dene hemmer nomol sämtlichi Bierli, Brauereie und chli Kulinarik diskuttiert bevor's um's herzliche Abschiedneh gange isch.

K Flaveur
20240330_123639.jpg
Bi minere Stammbäckerei bini auno husch verbii go es gratis Käfeli und es feins schwarzes Suurteigbrot go hole.

L Jazz
20240330_142030.jpg
Am Osterweekend isch sJazz Festival xi. Das sind di einzige Täg im Johr, wo sStadtzentrum vo Tauranga tatsächlich en huufe Lüüt ide Strosse het. Es werded sämtlichi Bühne ufgstellt und dLüüt gönd zünftig zu allerlei Musig ab. Ganz en guete Vibe - und jo klar, a dene Täg woni nöd gschaffet han, xehni natürli selber allerlei Lüüt um dHüüser zieh und mues mit de einte oder andere es letschts Bierli go neh.

M Jo
20240330_200104.jpg
20240330_200356.jpg
Di gueti Jo het mich zum zNacht uf Omokoroa iglade. D'Jo und de Paul hend sich heftig ide Chuchi hinder dTöpf gschmisse, en phänomenale Brate uftischet und i letschter Minute en wunderbare Schoggichueche anezauberet und mittere Tonne Icing grosszügig beschriftet ("Julia farewell but not good bye"). Au de Ross Currie (de best Segler in Tauranga) und dJackie (üsi Quartermasterin vode Legends Regatta) sind au cho und eso hemmer z5te en glooriiche Obig gha.

N St. George
20240331_134914.jpg
Mit Maunsell und Kerehi bini doch tatsächli am Ostersunntig id Chile. Nöd irgendeini, sondern dSt. Georges Chile ufem Pukehinahina Battlefield (s'alte Schlachtfeld vo Gate Pa). S'erste Mol für mich inere Chile sTauranga. Idrücklich! Under anderem au, dass de Maunsell sich inen Azug gstürzt het und ez unverschämt elegant usxeht (suscht ischer amel barfuess ufem Sailability Steg). Mi hend am John Hebenton (Kolleg vom Bill) sini letscht Osterpredigt gloset, wo sich die Glegeheit nöd neh lo het, chli Feminismus zu Gunste vode Maria Magdalena z'proklamiere.

O Barkers
20240331_164953.jpg
20240331_185152.jpg
Es het es dicks Dinner bi Ryan, Suzy und Oakley dihei geh. En epische Obig, wo au Rob & Nadine und spöter sogar Allan & Lynda und Jeff & Jackie dezuecho sind zum mir cho tschüss sege. (üsi Portrait Fötteli wo dLynda vo üs gmacht het hani halt nonig übercho).
Jesses, isch das denn tatsächli no emotional worde. Potz, ez fühlt sich's denn öppe doch no real a.

P Easter
20240401_092957.jpg
D'Bryony bide OStereiersuechi.
20240401_093525.jpg
Erfolg!
20240401_095918.jpg
Osterzmittag verdient!!!

Q Mauao
20240402_143049.jpg
20240402_144300.jpg
20240402_150737.jpg
Natürli mueni no es letschts Mol uf de Mount Maunganui ufe und chli uf mini alt Nochberschaft abeluege. Leider bitz under Ziitdruck, wil i han jo en volle Tag hüt (5:30am uf, zum Hans is Folk Kafi go Abschiedsgschenkli duregeh, denn zum Coiffeur, uf dBank, denn bim Claudy uf de letscht Gratiskafi verbii, bim OP Shop go allerlei vorigi War abgeh, under Ziitdruck uf de Mount ufe, sofort wiiter zur Nades is homeoffice zum z4i, denn mis Auto go abstelle, Schlüssel abgeh und mittem Virgile es letschts Fiirobigbierli go neh (potz, het de sich wieder mit Gschenkli übertroffe) und denn hei zum kulinarische Höhepunkt überhaupt:

R Rubens
20240402_192042.jpg
20240402_193510.jpg
D'Annika het scho länger mol xeit, sie machi üs denn mol Rubens Sandwiches. Sit 3 Täg isch sie üs die am mache - selber agsetzts Suurchruut und s'aller meh besserste selber gmachte Roast Beef wo's ihm's je hets gits. Dezue ihri selber gmacht Russian Dressing als maximal feini Sauce mit Kick und dezwüsche feini Ilage vo Emmetaler. Verruckt guet! De absoluti Wahnsinn!

S Kiri
20240403_122352.jpg
A mim letschte Tag triffi no dKiri wo bi üs im Women on Water Kommittee de Social Media Job het. Mir chönnd immer stundelang über Gin philosophiere.

T
IMG-20240403-WA0030.jpg
IMG-20240403-WA0019.jpg

U Barrel Room
20240403_115225.jpg
Es letschts Mol bim Barrel Room verbii
IMG-20240403-WA0006.jpg
Episch, das Team!
IMG-20240403-WA0005.jpg
Sogar de Virgile isch churz verbii cho mittem Scott.

V Auckland
20240403_171751.jpg
Und bevor me schnallt, was alles vorem Fenster vom Intercity Bus verbiizoge isch, chunnt me scho zAuckland a.
Ab, go is Hostel ichecke, zur Urbanaut Brewery go es feins Motueka Fresh Hop Hazy gnüsse und dä elend lang Blogitrag afange!
Es chömmed zahlriichi SMS, emails und Whatslis ine vo sämtliche liebe Lüüt mit beste Wünsch uf de Weg, eis herzerwärmender wie s'nöchst! Nimmt mi gad echli.

W Airport
20240404_130921.jpg
Hejo, und nochemne extravagante Kafi oder zwei machi mi hüt uf de Weg zum Flughafe.

Adee Auckland. Noho Ora Mai, Aotearoa. Tschüss Neuseeland. Mached's guet.

X

Y

Z

Posted by DriftersTrace 00:15 Comments (0)

Zrugg in Tauranga

Same same but different

Unverschämt schön xi zum in Tauranga z'lande und vode Sam abgholt z'werde.
De Chrampf vom umezügle, sich vorübergehend bide Annika go irichte und mini Sache wiiter dezimiere zum möglichst wenig mit mir umeschleppe, fangt jede Moment a.

20240325_085136.jpg

Njo aber zersch gömmer ez in Mount go je en Espresso Martini go neh zäme. Denn mueme es Häppli esse und säb natürli mittemne Gläsli Wy. Denn hetme enorm Hunger und mi gönd zum Vietnames. Hejo und denn zu spoter Stund tatsächli denn bide Sam ide Garage go all mis Gepäck und mis Äuteli go hole. Ich fahr demit im Dunkle zu Annika & Skinners' Huus und züch döt i, obwohl die beide no uf de Südinsle une sind.

Hejo, morn go schaffe:

20240317_144422.jpg

Es isch drum St. Patrick's Day am nöchste Tag und es isch verruckt herzig xi zum a dem wunderschöne Sunntig wieder go schaffe. De Liam het sich als üses huuseigene Maskottchen is Züüg gschmisse. Hejo, er isch üsen einzige Ginger und het sich drum selbstlos g'opferet zum chli zur irische Musig z'tanze und Guinness hinderebechere.

20240318_191336.jpg

Es isch teils recht emotional worde: etlichi Stammgäst sind inecho und hend sich erkundiget und verabschiedet. Me redt vo dene herrliche Ferie, vo mine letschte 3 Schichte bim schaffe und vom Abbreche vo mine neuseeländische Zelt.

20240322_181237.jpg

Hay, das mag eim zünftig. Es fühlt sich langsam immer realer a, dases ez tatsächli so wiit isch, und ich mich vo all dene Lüüt und vo Neuseeland verabschiede. Heisst für mich, dass a minere Abschiedsliste heftig Sache abghögglet werded und ich mich mit sämtliche Lüüt zum z9ni, zMittag, z4i und zNacht etc triffe, go wandere gange, an Strand uuuund so wiiter!

20240322_175244.jpg

Heisst, dass de Sam ihres Wiehnachstgschenkli fällig wird. Ich han ihre en Usflug uf Waikino gschenkt. Es chliises, unschiinbars Örtli im Karangahake Gorge wo mir öppe emol durefahred, aber nie ahalted. Debii wär's so herzig zum Wandere. Es isch eifach nu grüen überall, de alt Bahnhof dient im Moment als Kafi und vode alte Goldgräberziite isch nüt als chli Wiese und paar wenigi Überbliibsel übrig. Debii isch das mol e gigantischi Alag xi:

20240322_184422.jpg

Uf all Fäll han ich unbedingt wöle is Waikino Hotel. Säb het selber e interessanti, langi Gschicht us de Goldgräberziite und schaffet sit es paar Johr mit de Kaimai Distillery zäme. Die mached feiiine Gin und do hemmer üs e exquisits (hochgradig improvisierts, wil mir nöd im Vorus buechet hend) Gin tasting gönnt.

20240322_184136.jpg

Me het üs wunderbar glueget, dGschichte hinder de verschiedene Gins und Persönlichkeite in Waikino verzellt. Mi hend guet gspiese und au de Chef Distiller (de Wayne) isch verbiicho zum plaudere. De Bsitzer (de Cam) isch au cho luege, ob's üs bi ihm i sim Etablissement guet göchi und wo mir gfroget hend, ob's wohr sigi dass er im Hotel überobe en Geist heg wo ide Lounge wohnt, hetter üs gad e Füehrig geh.

Super. Richtig herzig. Mi hend denn no paar Froge gha zum Gin und do hetter xeit, müessemer an Stammtisch überecho, wo de Wayne am Fachsimple xi isch. So hemmer paar Tröpfli vode neuste Kreation übercho, was natürli alles no gheim isch. So lieb. Hemmer gnosse.

20240323_104457.jpg

Ich han für üs es Cottage buechet gha mit schön viel Platz, zwei Better, es brandneus Badzimmer und hübscher Ussicht über sTal. Mir sind aso ufgstande und id Bullswool Heritage Farm übere gfahre. Säb isch bitz en InsiderWitz vode Sam und mir us üsne Studiziite womer vor 4 Johr mol grisse hend zum Thema Tourismus.

20240323_101221.jpg
22b1afa0-ea1f-11ee-85ad-43a7b77f69ee.jpg

Uf all Fäll sind mir uf dä Hügel ufegfahre, hend en Chübel voll Tierfuetter gfasst und sind demit dur das riese Areal go all dene Hoftierli go hoi sege. Isch aso putzlustig xi. Bises denn doch no agfange het z'schiffe und mir zrugg zude Wasserfäll abegfahre sind, wo ich für üs en zMittag buechet gha han.

20240323_112605.jpg

Ich han scho lang mol wöle zum Falls Retreat. Die hend sämtlichi Uszeichnige abgruumet für di guet Chuchi, büütet Workshops (Chuchi, Garte, Bache, Imache - alles Mögliche) a, hend cheibe herzigi Underkünft (usbuechet) und ebe die Long Table Lunches / Dinners.

20240323_120955.jpg

Mir hend üsen Welcome Drink am Cheminée zue gnoh und sind denn amne lange Tisch mit anderne Foodies wunderbar bekocht worde.

20240323_124658.jpg

De allerbest Pork Belly het's geh. Mit feinem Salat und Gmües usem Garte, huusgmachtem Senf und pfiffige Säuceli.
So guet! Chame definitiv wiiterempfehle!

Was auno xi isch:
De letschti Segelobig mit de Ladies! Women On Water wird mir also fehle. Ich bin es letschts Mol bim Ross a Bord uf sinere Crossfire xi und mir hend üs nöd lumpe lo. Mir hend das Renne huushöch gwunne und ich han ade Siegerehrig de Priis abgholt, bin verabschiedet worde und hoffe natürli, dass sie für mich e kuuhli Nochfolg für is Kommittee finded.

Jänu:

20240321_185330.jpg
20240321_190240.jpg
20240321_193337.jpg
20240321_193324.jpg
20240321_210147.jpg

Posted by DriftersTrace 20:46 Comments (0)

Südinsle abschlüsse

Di letscht Wuche im Süde une

Lake Tekapo

Vo Cardrona us hani chli müesse vorwärts mache und bis Tekapo durefahre. 3h dur South Canterbury. So schön, dur all die goldige Hügel im Obigliecht z'fahre und immer wieder es Seeli mit dem prachtvoll blaue Wasser. E verruckt malerisches Farbespiel - woni aber niene aghalte han zum Föttele.

20240310_131943.jpg
20240309_192954.jpg
20240310_131737.jpg

Ich han en Ufenthalt i eim vode modernste Hostels ade hübschiste Lag, gad unmittelbar am Lake Tekapo vor mir gha. Spektakulär, das Haka House Hostel. E gueti Stimmig, überall netti Lüüt und total easy zum mit dene is Gspröch cho und chli philosophiere.

20240310_125508.jpg
20240309_193127.jpg
20240310_233106.jpg
20240310_191916_resized.jpg

S'Datum für die 2 Übernachtige hani tiptop planet gha: es isch Leermond und de Nachthimmel somit eso dunkel wie mögli. Tekapo isch s'erste (mittlerwile 2tgrösste) Dark Sky Reserve! Heisst, dass do allerlei astronomischi Forschig betriebe wird und me i dene sterneklare Nächt es wahnsinns Panorama am Himmel xeht. Fantastisch isch das xi.

20240310_133614.jpg
20240310_122057.jpg
20240310_205425.jpg

Ganz klar eis vo mine Highlights uf dere Reis: Stargazing incl. Hot Pools. Bide Tekapo Springs chame mit ihrem Stargazing Team und drü massive, fix installierte Teleskop go Sterne luege, dene Lüüt Löcher in Buuch froge und nocher i die heisse Bäder go de Nacke & Co entspanne etc.
SO, so lässig xi, das!!!

20240310_122845.jpg

Banks Peninsula

Es isch denn via Geraldine (döte isch dBarker's Factory, eini vo mine Lieblingsmarke wenns um Säuceli, Chutneys, Senf, Sirüpli und so wiiter goht) wiiter gange. Han mich döte natürli chräftig müesse duredegustiere zum g'chräftigt wieder wiiterfahre richtig Banks Peninsula.

20240311_115511.jpg

Säb isch eis vo mine Lieblingsörtli. Zwei erloscheni Vulkän bilded die grandios Landschaft, mitem Akaroa Harbour ide mitti und de Onawe Peninsula als 'Stöpsel' vo dem Kratersee, wo sich ufs offene Meer use öffnet.

20240313_135947.jpg

Tatsächli isches dasmol zur Abwechslig emol bewölkt xi. Ich bin zum 3te Mol do und han als Underkunft doch unbedingt müesse bi Cor und Margo verbii, wo letscht Johr de Michi und mir eso guet glueget hend. Die zwei hend e u Freud gha, dass sie do wiederkehrendi Chundschaft hend und sie hend mir es guets Priisli gmacht für eis vo ihrne mega herzige Zimmer im Halfmoon Cottage.

20240313_101615.jpg
20240313_101833_resized.jpg

Eifach hübsch döte! Sones charmants, alts Huus mit dem fantastische Garte rundume und spannende Gäst wome i dere top igrichtete Chuchi oder em gmüetliche Esszimmer oder de Lounge atrifft. Verruckt heimelig, das Plätzli.

20240311_181959.jpg

Mir gfallt eifach das Akaroa! Die herzig Architektur vo all dene chliine, simple aber putzhübsche Hüüsli, s'einte Kafi wo sWC hinderem Büechergstell versteckt isch und so wiiter.

20240313_111035.jpg
20240313_111133.jpg
20240312_150847.jpg
20240312_142602.jpg

Uf dOnawe Peninsula chame usewandere - aber nu wenn nöd gad Fluet isch, denn stoht nämli de schmal Zuegang für paar Stund under Wasser. Ich bin döt usegspaziert und ha gwüsst, dasi mues vorwärts mache zum no trochenen Fuesses zrugg z'cho. Ehrlich, ich han dUssicht gnosse aber denn zünftig müesse seckle zum no im aller, allerletschte Moment uf sFestland übere z'cho. Super xi, han halt bitz müesse chlettere am Schluss aber dWanderschueh sind troche bliebe.

20240312_154601.jpg
20240312_154739.jpg
20240312_154453.jpg

Ide Barry's Bay Chäserei bini xi - die isch landeswiit würkli guet vertrette ide Läde. Han mi ordentlich duredegustiert, chli dene Chäser id Werkstatt glueget und mich mit de Verchaufsdame intensiv ustuuschet. Au ufem French Farm Wyguet bini xi und ide lokale Gin Distillery zAkaroa. Do chönnt ich mich ez wuchelang chli zwüsche de Büecherläde, Museeä und Lädeli vertue. D'Gastronomie isch do wunderbar und all das umgeh vo dere umwerfende Landschaft wome doch eso guet cha go wandere, segle und vilich sogar die superseltene Hector's Delfine xeh.

20240312_164516.jpg
20240313_123532.jpg
20240312_152513.jpg

Klar hani ufem Retourweg di lang Strecki über die verschiedene Kretene gwählt und bin uf dere hübsche Stross entlang zrugg richtig Christchurch gfahre.

20240313_135313.jpg
20240313_133251.jpg

Christchurch

So, ez chunnt's ebe langsam zEnd, das letschte, umfangriiche Obetüür. Ich bin in Christchurch zum New Brighton Beach füre gfahre (döt hets en Pier, ganz ähnlich wie im originale Brighton ide UK). Eimol zünftig näbedra i die Hot Pools go es letschts Mol alles go aständig ufweiche und entspanne, während me vom warme Wasser us di schön Ussicht am Strand uf sMeer use gnüsst.

20240314_085243.jpg

Denn sAuto go abgeh. Es het mir über di letschte Wuchene eweg wunderbar dienet. In Christchurch mached sie sich parat für de Sail GP und ich han zmitzt ide Stadt nomol e Brauerei gfunde für mich.

20240316_111215.jpg
20240316_102351.jpg

Usserdem bini in Botanische Garte gspaziert, döte hets en Parkplatz gad am Flüssli zue, ufem Parkplatz stoht am Philip (de kenni jo ebe vo Nelson her) sin Nissan Leaf und er het döt zwei Kayaks druf packt. Seeeehr cool! Bini also i gmüetlichem Tempo bitz dur das Christchurch durepaddlet. Isch richtig, richtig lässig xi.

20240315_124344.jpg
20240314_143807.jpg

Und en geniale Abschluss für dä Trip! Ziit zum in Flugi stiige und die Landschaft nomol vo obe z'bestuune.

Marlborogh Sounds vo obe:
20240316_143805.jpg

Direkt über de schneebedeckti Mount Ruapehu mit sim Kratersee (de Vulkan isch wieder bitz meh aktiv letschti):
20240316_150441.jpg

Zrugg uf Tauranga Moana woni find, isch eifach 'stupidly beautiful':
20240316_152328.jpg

Posted by DriftersTrace 21:43 Comments (0)

Südwärts

De Westküste no zrugg uf Otago und Canterbury

Greymouth

Vo Nelson us bini bis Greymouth duregfahre, würkli nume zum döte go pfuuse bevor's de Westküste entlang wiiter richtig Süde goht. Keis einzigs Fötteli hani döt gschosse. Obwohl, s'wär e spannends Hostel xi zum dokumentiere: e ehemaligs Chloster! Ich han mich gfasst gmacht uf chli wüesters Wetter und di ruuch Westküste.

Tatsächlich wachemer am Morge zumne riese Radau uf: en Tornado zieht gad e Schneise dur Greymouth. Es git aber nur Schäde und kei Verletzti, aso alles okay.

20240304_131601.jpg

Franz Joseph

D'Fahrt goht wiiter. Es regnet - wie immer, wenn ich ade Westküste bin. In Hokitika gits en Kafistopp und Pancakes zum zMorge. D'Fahrt zieht sich und es isch schön, im Haka House in Franz Joseph azcho.
Dasch wieder eis vo dene neueröffnete Hostels. Putzmodern und gmüetlich.

Uf Franz Joseph goht me vor allem, zum de einti Gletscher go aluege. Ich han dä scho xeh und mues ez nöd vo nöchem go luege, wie viel weniger devo mittlerwile no übrig isch. Hübsch isches aber allemal.

20240305_102731.jpg

Au die Stops ade wilde Westküste entlang sind wunderhübsch.

20240304_112644.jpg
20240305_120749.jpg
20240305_112936.jpg
20240305_140121.jpg

Wanaka

Eifach immer schön, uf das Wanaka z'go. D'Hifahrt isch scho spektakulär. Am einte Endi vom Lake Wanaka entlang, denn en Abstecher zum Lake Hawea übere, überall das putzklare, tüüfblaue Wasser. So schön!
In Wanaka chame sich eso wunderbar vertue.

20240305_152347.jpg
20240305_151608.jpg
20240305_171255.jpg

De berüehmti Bomm chame go föttele - de arm Cheib isch vo irgend somne Vandale verrupft worde und ez fehled ihm di undere zwei Zwiig. Jänu, xeht chli lädiert us, isch aber immerno en Hübsche.

20240306_101619.jpg

Uf de Lavendel Farm bini xi. Au herzig. Und faszinierend, was die so alles us ihrem Lavendel herstelled. Git aso allerlei Beautyprodukt, Deko, Kunst und Kulinarisches, was sie eim i rauhe Menge i ihrem Shop zum probiere gend und zum Verchauf abüüted für dihei, als Gschenkli etc.

20240306_112752.jpg

Han gueti Erinnerige a das Wanaka. Zum Biispiil stoht das überdachte Bänkli no döt, woni im 2017 mit Fründe min Geburtstag gfiiret gha han, wo vo Hawea her überecho sind. Ich weiss no, ich han feini Schoggimuffins mit Kiwifruchtstückli für alli bache gha dozmol..!

20240305_171610.jpg

Queenstown

Ziit zum für 3 Tag zrugg uf das Queenstown fetze.
Döte findet das Johr sInterhash statt, also es internationals Klubtreffe vode Hash House Harriers. Sie nenned sich 'a drinking club with a running problem'. Underem Strich sind sie en SchnitzeljagdKlub vo Mitglieder wo gern mol eis über de Durst ine sürpflet.
Us de ganze Welt reised also tuusigi vo dene kurlige Lüüt a und hend eis Gaudi zäme. Ich kenn die Sorte jo guet, bin jo mittem OK befründet.

20240307_144021.jpg

Tatsächli xehni dAnnika und de Skinner scho bevor ich Queenstown erreiche (würkli per Zuefall!), de Carl isch au do und mir essed alli mitenand zMittag in Arrowtown. De Hauptorganisator isch de Jack. De gueti Herr isch ade letschte Wiehnacht näbet mir gsesse und au de Carl und dWendy kenni vode letschte Wiehnachtsfiir her.

20240307_210136.jpg

Alli hend irgendwo e Underkunft gfunde und ich triff bi mir im Hostel no paar meh. D'Hashers hend am Donnstig ihren Red Dress Run verastaltet: heisst, es hend sich ALLI i möglichst ästhetisch widerlichi roti Chleidli gschmisse (vor allem dManne) und hend so Queenstown unsicher gmacht mit ihrer Schnitzeljagd (inklusive Schifffahrt uf de legendäre Earnslaw).

20240308_202155.jpg

So chunnts, dass ich mit sämtliche Hasher in Usgang bin. Sie hend alli ihri Übernäme, so wie ide Pfadi. Ich gang also chli go tanze mit Boulder Holder, King Knob Rot, FeFiFoFum, Careless Cum Shot und em Richard Emerson. DEM Richard Emerson, vode grosse Emerson's Brauerei! E grossi Ehr. Er isch sines Zeiche Taub und somit bi so luuter Musig i grossem Vorteil - aber au so en schampar spannende Charakter zum sich underhalte.

20240307_234854.jpg

Frankton

En Vorort vo Queenstown isch Frankton. Döte hani natürli müesse bide Altitude Brauerei verbii, mich gründlich go duredegustiere. Sie liit gad bide Marina, wo allerlei Motorboot und Jetboats (spezielli Technik, lokali Erfindig) agleidt sind. Es het die brandneue, schwimmende Steghüüsli geh. Im einte gits lokale Wy zum degustiere, es Kafi im übernöchste und es Maleratelier es Tüürli wiiter. Ganz kuuhl, het mir aso gfalle.

20240308_150357.jpg
20240308_164238.jpg

Gibbston Valley

Im Gibbston Valley bini bim Peregrine Wyguet verbii. Ich kenn de Rep vo do (de Justin) und wil mir jo einigi vo dene Wy im Barrel Room verchaufed, hani doch husch uf es Tasting müesse inecho. D'Katie het mir wunderbar glueget, sämtlichi Wy im Agebot und zu jedem es Gschichtli gha.

20240309_115918.jpg
20240309_115908.jpg
20240309_121748.jpg

Ade gliiche Stross git's sGibbston Valley Resort, samt ere Chäserei und ihrem eigene Wyguet und allerlei feini Sächeli wo si i ihrem Lädeli abüüted. 'Türli hani husch müesse do ahalte.

20240309_124606.jpg

Wiiter dem Strössli entlang chunnt me bi Amisfield verbii. Selpferständli hani au do gschwind müesse verbii. Cheibe stylish, das ganze. Au vo do hend mir in Tauranga en Sauvignon Blanc im Offeusschank. Lohnt sich aso, churz verbiiz'cho.

20240309_130153.jpg

Cardrona

Denn zum Highlight vom Tag: Cardrona!
Me fahrt über die Bergchetti ine wo zwüsche Queenstown und Wanaka liit und am höchste Punkt findt me 3 (oder je noch Interesse natürli meh) Destinatione vo namhaftem Status:

1. S'alte, traditionsriiche Cardrona Hotel.
Erbaut 1863 während de Goldgräberziite isch das alte Hotel nach wie vor beliebt während de Skisaison und im Summer brummt de Biergarte. D'Originalfassade het me so loh, de Rest isch renoviert.

20240309_135118.jpg

2. De berüchtigti Bra Fence.
Da chame wörtlich eso übersetze: tatsächlich werded a dem Haag sämtlichi BHs montiert. D'Lüüt halted a, stiiged us, fötteled und spended Geld is Kässeli vode NZ Breast Cancer Foundation oder stüüred en BH bi (oder e Kombination devo). Ich han uf all Fäll au min Biitrag gleistet und han mis Gstältli an Haag ghänkt. Tiiiptop.

20240309_140913.jpg

3. Cardrona Distillery.
Sone epischi Lag, cheibe hübsch ghalte, umgeh vo all dene Rosebüsch und putzmodern (eröffnet im 2015)! Do chönnti ez würkli Lang verzelle und debii wotti doch ez fertig werde mit dem cheibe Blog...
Mir serviered im Barrel Room sämtlichi (fascht alli) vo dene exklusive Tröpfli wo do destilliert werded. Unverschämt schöni Produkt, meisterhafts Marketing und maximali Authentizität!

20240309_150925.jpg
20240309_144556.jpg
20240309_141934.jpg

Ich han vor minere Abreis mittem Jonni gredt - er isch de Rep für Cardrona i üsere Region. Dur ihn bin ich zunere Gratistour cho inklusive Degustation! De absoluti Hammer, das!!!
Wunderbar kompetenti Lüüt hend üs dur das hübsche Awese gfüehrt, sind üs Red&Antwort gstande und hend üs zum Abschluss e wohri Gaumefreud bereitet mit all dene Müsterli.
So sind eifach eso, schwupps, paar Stund vergange..!

20240309_144638.jpg
20240309_161753.jpg
20240309_152249.jpg

Posted by DriftersTrace 05:55 Comments (0)

(Entries 1 - 5 of 214) Page [1] 2 3 4 5 6 7 8 9 10 .. » Next